Mətləb Əliyev: “Buzovna bələdiyyəsi hər zaman sakinləri narahat edən məsələlərin həllini diqqətdə saxlayır”
“Fəaliyyətimizi icra hakimiyyətinin tövsiyələrini nəzərə alaraq həyata keçiririk”–bu fikirləri Belediyye.infoya Xəzər rayonu Buzovna bələdiyyəsinin sədri Mətləb Əliyev bildirib.
Sədrin sözlərinə görə, Xəzər RİH başçısının Buzovna qəsəbəsində keçirdiyi səyyar görüşlərdə sakinlərin qaldırdığı problemlərin həllində yerli özünüidarəetmə orqanı olaraq biz də öz töhfəmizi veririk.
Bu günlərdə Xəzər RİH başçısı Elşən Salahovun sakinlərlə görüşü zamanı Buzovna qəsəbəsi Təbriz küçəsində (Təmənis sahəsi) sakinlər tərəfindən qaldırılan iki məsələnin icrasını başçının tövsiyəsinə əsasən Buzovna bələdiyyəsi icra edib.
Belə ki, bələdiyyə iclasının qərarıyla Təbriz küçəsi üçün sifariş olunan küçə lövhələri yazılaraq küçəboyu vurulması başa çatdırlımışdır.
Bununla yanaşı "Heydər Əliyev"Fondu tərəfindən inşa edilən 292 saylı tam orta məktəbinə və Mədəniyyət Evinin rəhbərliyinin müraciətinə əsasən Əziz Mirəhmədov küçəsində mədəniyyət evinə gələn sakin, valideyn və şagirdlərin təhlükəsizliyi baxımından sürət maneəsi quraşdırılıb.
Buzovna bələdiyyəsi hər zaman sakinləri narahat edən məsələlərin həllinə maliyyə imkanları çərçivəsində diqqətdə saxlayır. Sadəcə vergi ödəyicilərizmidən xahiş edirik təqdim edilən bildirişlərə uyğun olaraq vergiləri vaxtında ödəməyi unutmasınlar.
Rəylər
0 Rəy